चौतारा, १६ भदौ
सिन्धुपाल्चोकको बाह्रबीसे– तातोपानी सडकखण्ड पहिरोले गर्दा चार दिनदेखि अवरुद्ध भएपछि करिब रु तीन करोड राजस्व नोक्सानी भएको छ । अविरल वर्षाका कारण शनिबार राति गएको पहिरोले फुल्पिङकट्टी गाविसको डाक्लाङ भन्ने स्थानमा करिब दुईसय मिटर सडक बगाएपछि यातायात अवरुद्ध भएको छ । केही दिनदेखि नयाँ ट्रयाक खोल्ने कार्य भइरहेकाले सडक सञ्चालन हुन समय लाग्ने इलाका प्रहरी कार्यालय बाह्रबीसेका प्रहरी निरीक्षक हेरम्ब शर्माले जानकारी दिए ।
तर, बुधबारसम्म सडक सुचारु भएको छैन । सडक अवरुद्ध भएपछि सयौँको सङ्ख्यामा यातायात अड्केर बसेको र पैदलयात्रीलाई समेत कठिनाइ भइरहेको छ ।हरेक वर्षायाममा नयाँ ट्रयाक खोलिँदै आएको सो ठाउँ यातायातका लागि निकै जोखिमपूर्ण मानिन्छ । - मेचीकाली
0 comments:
Post a Comment