हिमानीलाई माओवादी अवरोध

अध्यक्ष कै निर्देशन मानेनन् कार्यकर्ताले
दोलखा १५ भदौ
अध्यक्ष पुष्पकमल दाहालको निर्देशन अवज्ञा गर्दै दोलखा माओवादीले मंगलबार पूर्व युवराज्ञी हिमानीको कार्यक्रममा अवरोध पुर्‍याएको छ। माओवादी अध्यक्ष दाहाल र केन्द्रीय सदस्य अग्नि सापकोटाले हिमानीको कार्यक्रममा अवरोध नपुर्‍याउन जिल्ला नेतृत्वलाई निर्देशन दिए पनि माओवादीका कार्यकर्ताले मंगलबार उनको सवारीमा अवरोध पुर्‍याएका छन्।
खानेपानी आयोजनाका पाइप वितरण गर्ने कार्यक्रमका लागि नाम्दु हिँडेकी शाहको गाडी अगाडि बढ्न नदिन माओवादी समूह किरातीछापमा बसेर अवरोध गरेका थिए।  माओवादी कार्यकर्ताले तामाकोशीमा ट्रक तेर्साएर सडक अवरुद्ध पार्दै हिमानीको गाडी अघि बढ्नबाट रोकेका थिए। - एजेन्सी